phir chaand khila phir raat thami phir dil ne kaha teri kami phir yaad ke jhonke mehek gye phir pagal armaan behek gye phir jannat si lagti hai zameen phir dil ne kaha teri kami phir guzre lamhon ki baatein phir jaagi jaagi si raatein phir theher gyi palkon pe nami phir dil ne kaha teri kami :)

khamoshi mein shor tha mein ne suna kuch bhi nahi us ne sab kuch keh diya magar kaha kuch bhi nahi tujhe kia maloom ay mere dost tere baghair mera jeevan kat gya aur mein jiya kuch bhi nahi hukum yeh mila mujh ko us ke siwa kuch bhi maang lo uth gye dast-e-dua magar lab pe dua kuch bhi nahi :Sad:

wo mujh se meri udaasion ki wajha poochta hai kitna pagal hai raat ke sanaatey ki wajha poochta hai wo mujh se mujh se mere aansuon ki wajha poochta hai kitna pagal hai baarish ke barasne ki wajha poochta hai wo mujh se meri wafa ki intaha poochta hai kitna pagal hai saahil pe kharey samandar ki gehrayi poochta hai wo mujh se meri pasand ka poochta hai kitna pagal hai khud apney baare mein poochta hai ;)) ;))

jo baat kabhi na kehni thi wo baat moun se nikal gyi jo lafz tujh se kehne they wo dil ke goshey mein reh gye khawab khawab thi zindagi khawab khawab thi har khushi mere khawab mitti ke ghar they jo pehli hi baarish main beh gye :Sad:

kabhi chaho ge to chaahat se bulayein ge tumhein dard hota hai kia yeh dikhayein ge tumhain Muhabbat hoti hai kia , Muhabbat ker ke dekh lena phir mere paas aana , kuch aur bhi batayein ge tumhein kabhi na aayein aankh mein aansu , to aisa kerna ik shaam mere paas aana , bohot rulayein ge tumhain

wo mujh se besabab uljha nahi tha wo pehle to kabhi aisa nahi tha bohot alag tha us ka zarf lekin wo meri zaat ko samjha nahi tha wo jitni berukhi se chal diya tha mein itna bhi gya guzra nahi tha usey mein kia bura thehrayon yaaro wo acha tha , Faqat mera nahi tha :)

yeh waaqya bhi ajab meri zindagi ka tha main chaahta tha usey aur wo kisi aur ka tha kisi ne tor diya mera aashyana e khawab mujhe bhi gharoor bohot apni aashiqi ka tha tab apni wehshat e jaan per hua bohot afsos jo yeh suna ke usey shok dillagi ka tha :? :?

ik chaand tanha khara raha mere aasmaan se zara parey mere sath sath safar main tha meri manzilon se zara parey teri justuju ke nisar se tere khwab tere khayal se main wo shakhs tha jo khara raha teri chaahaton se zara parey kabhi dil ki baat kahi na thi jo kahi to wo b dabi dabi mere lafz poorey to thay magar thay sama'aton se zara parey tu chala gya ay mere dost zara dekh mur ke to ik nazar meri kashtiaan hain jali huin tere saahilon se zara parey :)

Tum Rooth Jao Mujh Se, Aisa Kabhi Na Kerna Main EK Nazar Ko Tarsoon, Aisa Kabhi Na Kerna Main Pooch Pooch Haruun, Sau Sau Sawal Ker Ke Tum Kuch Jawab Na Do, Aisa Kabhi Na Kerna Mujh Se He Mil Ke Hansna Mujh Se He Mil Ke Rona Mujh Se Bichhar Ke Jee-lo Aisa Kabhi Na Kerna Tum Chand Ban Ke Rehna, Main Dekhta Rahoonga Kisi Roz Tum Na Niklo, Aisa Kabhi Na Kerna Tum Chalay Jao Jab Bhi, Tou Dekhoon Tumhara Rasta Tum Laut Ke Na Aao, Aisa Kabhi Na Kerna..

:) tera dard tha , teri yaad thi mein jahan gya , mein jidher gya mera din to yoonhi guzer gya joonhi sham hui , mein bikher gya is abr ka mera yaar se , bara milta julta mizaj hai kabhi toot ke baras gya , kabhi berukhi se guzer gya jab mein chor doon ga wo gali usey yaad aaye gi tab meri khoje ga wo tab mujhe usey khabar mile gi mein mar gya ab tung hai wo mere naam se mere baad aaye ga wo dosto wo tumhi ko ro ke poochey ga wo kahan gya , wo kidher gya :?

Pyar ke deep jalaane wale kuch kuch pagal hote hain apni jaan se jaane wale kuch kuch pagal hote hain hijer ke yeh zakham miley to mujh ko yeh ehsas hua pagal ko samjhaane wale kuch kuch pagal hote hain ;))

shaam ke ujaalon main apney naram haathon se koi baat achi si koi khawab sacha sa koi bolti khushbu koi sochta lamha jab bhi likhna chaho ge soch ke dareechon se yaad ke hawalon se mera naam chupkey se tum ko yaad aye ga haath kaamp jayein ge shaam theher jaye gi meri yaad aaye gi meri yaad aaye gi