Member of the Week [ Farii ]

Tumharay bag main kya kya cheezain hoti hain?

tum main aur Somi main kia faraq hai ? :P Us ke baloon ka colour thora different hai mujh se werna baqi sab cheezain same hain =)) hahaha lolzzz ;))

konsi baatein ghusa dilati hain ? mood kharab ho to kia karti ho ? aur kis shakhs per sab se zayada ghusa aata hai ? kis tara ke log sakht na pasand hain tum ko ? konsi baatein ghusa dilati hain ?Yaar mujhay ghussa kam ata hai aur akser un batoon per aa jata hai jin per nahin aana chahiye :? Forum ke kuch members hain jo mujhay bacha samajh ker treat kertay hain.. aur jab koi mujhay yeh kahay "Choro beta ! tum abhi bachi ho.. tum nahin samajh sakteen" tab mujhay ghussa aa jata hai.. Ok fine ke main un sab se 3,4 saal chotti hoon but duniya maine bhi dekhi hai :) .. ager her waqt hansi mazak kerti hoon to it doesn't mean ke main serious batain nahin ker sakti :) Yahan maine sirf forum members isliye likha hai kiun k real life mein koi bhi mujhay bachi bachi keh ker ghussa nahin dilata :d mood kharab ho to kia karti ho ? Bilkul chup ho jati hoon.. kamray mein thori dair ke liye akelay beth jaati hoon but mood jaldi hi sahi bhi ho jata hai shuker hai :) aur kis shakhs per sab se zayada ghusa aata hai ? Aik lerka hai.. sorry naam nahin bata sakti.. mujhay pehlay se idea tha k wo mujh mein interested hai.. magar jab baqi logon nay mujhay bataya ke wo baray mein ulti batain kernay laga hai tab se ab tak mujhay us ki shakal dekhtay hi ghussa anay lagta hai ke maine kabhi us se muskura ker bhi nahin baat ki aur wo hai ke khush fehmiyon ke samander mein dubkiyaan laga raha hai.. Aik lerka ager kisi lerki ke baray mein khulay aam apni feelings ka izhaar karay to phir naqabil-e-berdaasht ho jata hai kisi bhi shareef lerki ke liye :) kis tara ke log sakht na pasand hain tum ko ? Main kabhi kisi ko bura nahin kehti kiun ke main khud kon si buhat achi hoon.. Meray andar bhi hazar qisam ki buri aadatain aur buri batain hain.. Mujhay sirf un logon se chirr hoti hai jo ladies ki respect nahin kertay..

mood acha ho to kia karti ho ? aur kaisi baatein achi lagti hain achey mood main ? aur kaisa mosam acha mood ker deta hai ? mood acha ho to kia karti ho ? Mera jab bhi mood buhat acha ho to buhaaaat bolti hoon.. Tab meri bolnay ki speed ko koi kam nahin ker paata :d aur kaisi baatein achi lagti hain achey mood main ? Achay mood mein to her tarah ki batain achi lagti hain :D Sameen ager us waqt mujhay bura bhala bhi keh rahi ho (yeh duty wo 24 ghantay ser anjaam deyti hai :oops: ) tab bhi main bilkul bhi us ki batoon ka mind nahin kerti :P Ager mera acha mood ho tab koi kitni bhi ulti baat karay.. mujhay bilkul bhi bura nahin lagta.. :d aur kaisa mosam acha mood ker deta hai ? Baarish ka.. :oops:

chating kerna acha lagta hai ya posting kerna ? forums aur chatrooms main kia difference hai ? chating kerna acha lagta hai ya posting kerna ? Posting kerna.. kiun ke meri messengers ki lists mein ya to cousins aur class fellows hain jin se roz hi ya to phone per baat ho jati hai ya mulaqat.. jab ke net frnds mein Arz k ilawa baqi saray forum members add hain.. aur forum members se to forum per hi baat ho jaati hai :d isliye posts kernay mein ziada maza aata hai :oops: forums aur chatrooms main kia difference hai ? Kisi chatroom mein last time shayad 3 saal pehlay gyi thi isliye ab to yaad bhi nahin.. But mujhay pasand nahin aaya tha.. Buhat buri language use ho rahi hoti hai :? Koi kisi ko kuch bhi bol day to koi toknay wala nahin hota..Jab ke forums mein sab tameez tehzeeb ke dayiray mein rehtay hain admin aur mods ki wajah se 8)

universties main girls ke lie alag campus hona chahiye ya nahi ? :P Yaar aisay to na kaho.. phir university janay ka faida kia hua :P hehehe kidding.. Hmm hona bhi chahiye aur nahin bhi.. Kiun ke maine inter aik girls college se kia hai.. Kaafi free atmosphere mein perhayi hoti thi.. Aur koi bhi function waghera hota to ziada achi tarah enjoy kertay thay.. Jab ke boys ke saath perhnay ka faida yeh hota hai ke confidence develop hota hai duniya specially mardon ko face kernay ka :) .. Aur ayinda zindagi mein kaheen bhi job kerni ho to us k liye bhi faideymand hota hai.. :)

zindagi ka maqsad kia hai ? ek achi kamyab zindagi guzarne ke lie kin cheezon ka hona zaroori hai ? aur kin baton ko zehen main rakhna chahiye har waqt ? Zindagi ka maqsad hai Allah ki Ibadat kerna aur Us ko khush rakhna.. Aik achi kamiyaab zindagi guzaarnay ke liye sab se ziada zaroori hai Allah ki Ibadat kerna, Us ki Zaat per mukammal yaqeen rakhna, apnay parents ko khush rakhna aur aisay kaam na kerna jis se kisi bhi insaan ko takleef puhanchay.. Allah bhi tab tak maaf nahin kerta jab tak us ka banda maaf na karay .. Aur sab se important baat hai Allah per yaqeen rakhna.. Us ke haan dayr hai andheyr nahin.. Beshak Us ke derwazay se koi khaali haath nahin wapis aata.. Kabhi bhi Allah ki rehmet se mayoos nahin hona chahiye.. Her haal mein Us ka shuker aada kerna chahiye.. Yahi kamiyaab zindagi ka raaz hai meri nazar mein :)

zindagi ka koi aisa waaqya jo jab bhi yaad aaye to hansi aa jati hai .. zindagi ka koi aisa waaqya jo jab bhi yaad aaye to rongtey kharey ho jate hain zindagi ka koi aisa waaqya jo jab bhi yaad aaye to hansi aa jati hai ..: Koi purana to abhi yaad nahi aa raha magar abhi kuch din pehlay ka batati hoon.. Class mein teacher perha rahay thay.. Unhon nay koi aisa topic perhana shruu kia jo mujhay samajh nahin aa raha tha.. Meray muun se aik dam se nikla "Abay yaar.. :? !!" Aur yeh boltay hi meri halat kharaab.. Kiun ke un teacher ki shakal aisii ban gyi thi ke bus mera gala daba dain gay.. Saray class fellows mujhay ajeeb nazron se dekh rahay thay ke maine aik teacher se is tarah baat ki hai.. Aik dam se hi teacher hans parray aur kehnay lagay "mashAllah mashAllah :D " Us waqt to maine kaha ke I m so sorry sir.. mujhay buhat shermindagi ho rahi hai.. but ab yaad kerti hoon to hansi anay lagti hai ;)) zindagi ka koi aisa waaqya jo jab bhi yaad aaye to rongtey kharey ho jate hain Abhi kuch months pehlay hi main aur 2,3 friends road cross ker rahay thay.. Main aik friend se batain bhi ker rahi thi saath mein.. Batain kernay mein itni masroof thi ke road ki taraf dekhna bhi gawara nahin kia.. aik gaari speed mein a rahi thi aur boltay boltay main beech road mein :d ..Wo to shuker hai gaari walay nay bhi gaari aik dam se roki aur aik friend bhi zor se cheekhi ke Fariiiiiiiiiiiiiii dekh ker..Us k zor se bolnay ki wajah se aik dam se main ghabrahat mein peechay ho gyi.. Is tarah Bachat ho gyi werna koi kasar nahin reh gyi thi meray Opper janay mein :D ..Wo lamha yaad ata hai to aik dam se darr lagta hai ke ager wo gaari wala na rokta ya friend aik dam se na bolti to kia hota :roll:

app ko apna life partner kesa chayia :P John Abraham ki tarah smart ho :P lolzzzz.. well educated and well mannered :)

Tumharay bag main kya kya cheezain hoti hain? Mobile tou zaroor hota hai.. Aur kuch paisay honay bhi zaroori hotay hain :P Tissue papers, pen waghera bhi hotay hai..

College main m0bile rakhnay ki permission thi? :O

College main m0bile rakhnay ki permission thi? :O Use kernay ki permission nahin thi.. Hum log chup chupa ker use ker hi leytay thay.. ;)) Class timings mein silent pe rakhna zaroori hota tha :) U nay jo bag mein cheezon wala question kia tha us mein college bag ka poocha tha kia? :O

Pak k next president koun hona chahyie? aur ye nahi kehna k sabhi 1 jaise hian tu koi b ho jaye...

Pak k next president koun hona chahyie? aur ye nahi kehna k sabhi 1 jaise hian tu koi b ho jaye... Makhdoom Amin Fahim.. Un ko Prime Minister na bana ker I think ghalat kia tha in ki party nay..

Ahaan MQM ko support karti ho? :P MQM k barey apne views zara likh do :P

View Full Version: Member of the Week [ Farii ]