Dunia jise neend kehti hai, jane wo kya cheez hai, Aankhe to hum bhi band karte hai.... par wo aap se milne ki tarkeeb hai

Kabhi Yaad Aao To Is Tarah K Lahu Ki Saari Tamaaztain Tumhain Dhoop Dhoop Smait Lain Tumhian Rang Rang Nikhaar Dain Tumhain Harf Harf Main Noch Lain K Diyaar E Hijar Ki Tairagiii Ko Palak Ki Nok Se Noch Lain Kabhi Yaad Aao To Is Tarah K Dil O Nazar Main Sama Sako Kabhi Had Se Jab Yeh Junoon Badhe To Hawas Ban K Bikhar Sako Kabhi Khul Sako Shab E Wasl Main Kabhi Khoon E Dil Main Sanwar Sako Sar E Rahguzar Jo Kabhi Milo Na Tehar Sako Na Guzar Sako Kabhi Yaad Aao To Is Tarah Mera Dard Phir Se Ghazal Bane Kabhi Gungunaao To Is Tarah Mere Zakhm Phir Se Gulaab Hoon Kabhi Muskurao To Is Tarah Meri Dhadkanain Bhi Laraz Uthain Kabhi Chaut Khao To Is Tara Kabhi Yaad Aao To Is Tarah Na Ujad Sakain Na Sanwar Sakain Kabhi Dil Dukhao To Is Tarah Na Simatt Sakain Na Bikhar Sakain kabhi Bhool Jao To Is Tarah Kisi Taur Jaan Se Guzar Sakain Kabhi Yaad Aao To Is Tarah Jo Nahi To Phirr Bade Shauq Se Sabhi Raabte Sabhi Zaabte Kabhi Dhop Chaa,on Main Todd Do Na Shikastt E Dil Ka Sitam Kaho Na Suno Kisi Ka Azaab E Jaan Na Kisi Se Dil Ki Khalish Kaho Yoon Hii Khush Raho, Yoon Hi Khush Raho

Kabi Khood hi Mere paas aa, Meri Baat sun Mera Saath de Jo Khalish hai Dil se Nikal ker, Mujhe Uljhano se Nijaat de Tujhe Sochna Mera Mashghala, Tujhe Dekhna Meri Aarzoo Mujhe Dil de apne Khayal ka, Mujhe Karb ki ek Raat de Meri Zindagi Mere saath chal, Mere Haath mai apna Haath de Mujhe Ghum b Khushi se Qabool hai, Jo Tu agar Mera Saath de

Raat kat'ti rahi chaand chalta raha Aatish-e-Hijer mein koi jalta raha Tanhayan dilko dasti raheen koi be chain karwatein badalta raha Aas O Umeed ki shama roshan rahi Gher ki dehleez ko koi yoon hi takta raha Raat bher chaandni gungunati rahi Raat bher koi tanha sisakta raha Ashq palkoon pe aa k bikherte rahe Naam lab pe kissi ka larazta raha Aaj phir raat basar ho hi gai Aaj phir koi khud se ulajhta raha

Rang hi rang utarta hai baarishon k mausam mein Dil bhi raqs karta hai baarishon k mausam mein Saanson mein utarti hai khushboo sondhi mitti ki Tan badan mehakta hai baarishon k mausam mein Boondon ka twater se barse hi chale jaana mastiyaan hi karta hai dil baarishon k mausam mein is barasti rim-jhim mein phoolon aur kaliyon ka Roop rang nikharta hai baarishon k mausam mein Khwaab, Khwahish, Jazbe mil kar muskurate hai Tera gham sanwarta hai baarishon k mausam mein surmayee fizaaon mein badliyon ka lahrana Kitna pyaara lagta haibaarishon k mausam mein TUM saath hote ho phir yeh saawan bhi jhoom k barasta hai baarishon k mausam mein

iss waqt mein kisi khushgawar khayaloon mein hoon Jismey mehaktey phool Harey bharey sar sabz poday hain Her taraf gungunati hawain raqs ker rahi hain Aur is bahar mein mujhe koi nazer nahi aata Faqt apne aur tumhare Yeh wohi khayal hai Jisak hum donoon ne baton baton mein ziker kiya tha Yeh manzer tumhare sang ab aur bhi acha lagta hai Tumhare sath bitae 2 ghantey Jaise pal mein beet gae hoon Tum mein simmer jane k liye Jo thand k bahaney lagae hain Tumhar aik nazer ne Tumhare hath ki germaish mein Ab kahin thand ka ehsas nahi Meri goud mein sir rakhe Kisi khayalon mein gum ho jana Phir halki halki barish mein Phir chaltey chaltey gari tak Tumhain shayad kuch kehna hai Tumhare qareeb aaney se Mere dilki dharkan ab aur bhi taiz hai K tumhari sansein Mujh mein kho rahi hain Tumhari awaz mujh mein Doob rahi hai Wo baat bhi na keh sakey tum K ik haqeeqat ki be dard ahat per Na wo Manzer na tum ho Talk haqeeqat, meri tanhai Guzra hua khayal Aur bas MEIN hoon..

Is waqt mein gehrey khayaloon mein hoon Jis mein banjer zameen Sookhey pattey her tarf bikhrey hain Her tarf hoo ka alam hai Sooraj ne badil ki shaal ourhi hai Is weeraney mein Mujhe koi nazer nahi aata Faqt apne aur ik be naam musafat k Her lamha ik dard se bhara Banjar zameen per kitni dair khali naqsh Jo bantey aur bigartey hain Mein hairaan hoon apney zabt per K kham khyali se guzra kuch waqt K koi dhundhlata chehra K jis ne aasmaan ki bulandiyoon se Zameen ki pastiyoon ne gira diya Mein hairaan hon apne zabt per K jis ne meire sawaloon per Ayaney faraham kiye Aur phir Pather maar k tor daley Wohi chakna choor sheeshe Jinke zakham aaj bhi mere Dil per baqi hain In khayaloon mein chaltey chaltey Maire paoon bhi zakhmi hain K ik ahat per Na wo khofnaq manzer Na tootey hue sheeshe Na Haara hua dil hai MAIN hoon, Meri himmet Mera GHAROOR Aur bas MEIN hoon.....!!!

Ankhoon mein boht neend hai Zehn mein boht se khayal Dil mein kuch bhi baat nahi Aur zameer soney nahi daita Maazi ki kuch gehri yadein Kisi ki kuch karwi batein Dil mein kuch bhi baat nahi Aur Zameer soney nahi daita Ankhein kuch kuch khoin c Na kisi ki yad mein roi c Dil mein kuch bhi baat nahi Aur zameer soney nahi daita

Yeh zara zara c baat pe Terha terha k azab kiyoun Jo kabhi kisi se juda na ho Mujhe us khuda ki talash hai Mujhe larzishoon pe her ghari Koi tokta hai baar baar Jisey ker k dilko dukh na ho Mujhe us gunah ki talash hai Bina hamsafer k kab talak Koi musafatoon mein laga rahey Jahan koi kisi se juda na ho Mujhe uss rah ki talash hai Mujhe daikh ker jo ik nazer Mere sarey dard samajh sake Jo iss qader ho chara ger Mujhe uss nazer ki talash hai...!!

kabhi yaad aye to poochna Zara apni khalwat e shaam se Kisey ishq tha teri zaat se?? Kisey piyaar tha tere naam se? Zara yaad ker k woh kon tha Jo kabhi tujhe bhi aziz tha Wo jo jee utha tere naam se Wo jo mar mitta tere naam pe Humein berukhi ka nahi gila k yehi wafaoon ka ha sila Mager aisa jurm tha konsa Jo gaye Dua-O-Salam se? Na kabhi visaal ki chah ki Na kabhi firaaq mein aah ki K mera tareeqa-e-bandagi Hai juda tareeqa-e-Aam se....

nice ... khushgawar khayalon wali aap ki hai ?

Very goood poetry tfs !

~~~~Mohabbat~~~~ to ~~barish~~ hai, jisy ~~~~chuny~~~~ ki koshish main, ~~~~Hathailian~~~~ to geeli ho jati hain Mgr ~~~~HATH~~~~ khali rehty hain

Us Ne Kaha Ke Ishq Ka Nasha Utar Gaya... Mein Ne Kaha Husn Bhi Tum Se Mukar Gaya... Us Ne Kaha Ke Tujh Ko Deelani Hein Choriyaan... Mein Ne Kaha Ke Aab Woh Zamana Guzar Gaya... Us Ne Kaha Ke Kya Howi Kajal Ki Dhaar Si... Mein Ne Kaha Ke Aankh Se Darya Guzar Gaya... Us Ne Kaha Ke Yeh Teri Chiryoon* Se Dosti... Mein Ne Kaha Ke Dil Mera Duniya Se Bhar Gaya... Us Ne Kaha Ke Kya Mila Sab Se Big'aar Ke... Mein Ne Kaha Ke Waqt To Aacha Guzar Gaya... Us Ne Kaha Ke Khwab Mein Aane Ka Waqt Do... Mein Ne Kaha Ke Neend Ka Mosaam Guzar Gaya... Us Ne Kaha Ke Woh Tere Suraj Ka Kya Bana... Mein Ne Kaha Ke Woh Mere Dil Mein Utar Gaya... Us Ne Kaha Ke Woh Nahi Dega Tumhara Saath... Mein Ne Kaha Ke Woh Chalo Wada To Kar Gaya