Suno!
muujhe tum se kuch kehna hai
Mujhe se budguman mut hona
meri is baat pe heran mut hona
aaj tum se ijazat chahi hai main ne
yeh soch kay pareshan mut hona
Sunoo!
Aaaj tumhari ankhon main nami hogi
dil main eik khalish bhi uthi hogi
dard aanso ban kay behta hoga
udasi chaar so pheli hogi
Sunoo!
kisi ka chehra jo dekho tu
os main mera chehra na khojna tum
kaheen yeh wahi tu nahi
yeh soch kay na har kisi ko rokna tum
Sunoo!
mujhe eik yaad samjh kay bhula deana
mujhe eik unkahi kahani samjh kay bhula deana
main gauzre waqt ki dhol thi shayed
yeh soch ka hi khud ko behla leana
Sunoo!
mujhe tum se kuch kehna hai
kuch kehna hai......
kiran- 02-11-2008
Tum Kehte Ho Mujhay Phoolon Say Pyaar Hai....?
Magar Jab Phool Khiltay Hain
Tu Unhain Tehni Say Toor Dalte Ho
Tum Kehte Ho Mujhay Baarishoon Say Pyaar Hai...?
Magar Jab Baarish Hoti Hai
Tu Chuppete Phirti Ho
Tum Kehte Ho Mujhay Hawaoon Say Pyaar Hai....?
Magar Jab Hawa Chalti Hai
Tu Khirkiyan Band Kar Lete Ho
Phir Is Waqt
Main Khoof Zada Sa Ho Jati Hoon
Jab Tum..... Mujh Say Kehte Ho
Mujhay Tum Say Mohabbat Hai!!
kiran- 02-11-2008
bikher rehi he meri zaat us se keh daina,
kabhee miley to ye baat us se keh daina,
woh saath tha to zamana tha mera,
magar ab koe nhe mere saath us se keh daina,
us se keh daina k bin us k din nhe kat'ta he,
sisek sisek k kat'tee he raat us se keh daina,
usey pukaaroon k khud hee puhench jaaoon us k paas,
nhe rahey woh haa'laat us se keh daina,
agar woh phir bhe na lautey to " Ae Mehrbaan " ,
Qasid humaree zeest k haa'laat us se keh daina,
her jeet us k naam ker rehi hoo mai,
mai maantee hoon " Apnee Haar " us se keh daina !!!!!!!!!!
kiran- 02-11-2008
Pholoon Ki Woh Mehakti Khushboo
Barish Ka Woh Bhega Pani
Aur Hawa Mein Thi Jo Rawani
Kya Uss Mousam Ka Khumaar Likhoon?
Kuch Likhna Chahata Hoon
Sochta Hoon Kya Likhoon?
Thi Chehrey Par Unkey Masomiyat
Aankhoon Mein Thi Thori Shararat
Aur Baatoon Mein Woh Nazakat
Kya Unka Rangeen Mizaaj Likhoon?
Kuch Likhna chahata Hoon
Sochta Hoon Kya Likhoon?
Unka Aaker Muskurana
Jo Rooth Jaon To Manana
Jate Jate Phir Rulana
Kya Unka Yeh Andaaz Likhoon?
Kuch Likhna Chahata Hoon
Sochta Hoon Kya Likhoon?
Yaadoon Mein Unkey Ashk Bahana
Her Shaam Ek Diya Jalana
Soi Umeed Ko Roz Jagana
Kya Unka Yeh Intezar Likhoon?
Kuch Likhna Chahata Hoon
Sochta Hoon Kya Likhon ...
kiran- 02-11-2008
Hum jo toote to is tarah toote
jaise hathon se girr k pathar par
koi shafaaf aaiina toote
jaise palkon se toot tha aansoo
jaise seene main ik kamaan toote
jaise umeed ki nazuk daali
barg mosam main na gahaan toote
jaise aankhon main khwab ki doori
waqt e takmeel se ulajh jaye
jaise pairon tale zameen nikle
jaise sar par yeh asmaan toote
jaise ik shaakh pe bharosa kia
is pe jitne thay aashiyaan toote
jaise wehshat se hosh aa jaye
jaise ta dair main dheyaan toote
ab jo raiza howay to sochte hain
kis nay dekha tha tootna apna
hum jo toote to raayegaan toote
kiran- 02-11-2008
Teri Yaadon ke Bina koi Lamha Guzaara Nahin
Ek pal Nahin jab Tumhe Humne Pukaara Nahin
Meri Naakaamiyon Ka Itna Bhi Ghum Na Kijiye
Agar aap Jeete Hain to Main Haara Nahin
Ye Naqsh-e-Dard Kaise Utar Jaaye Chehre Se
Maine Abhi Aapka Ghum Dil se Utaara Nahin
Tere bin Youn Kat Rahi Dariya-e-Zindagi Mein
Kashti Bhi Hai Maajhi bhi hai,Kinaara Nahin
Kar Rakhaa Hai Jisne Saare Ghar Mein Ujaala
Aansu Hai Mera ye Koi Toota Hua Taara Nahin
Kisko Gale Lagaa Ke Rooyen Na-Muraad Hum
Is Bhari Duniya Mein Apna Koi Sahaara Nahin
Mareez-e-Ishq Hai Tamannai Khudkushi Ka ab
Gehre Hain Dil ke Zakhm,Aur Koi Chaara Nahin
Wo aa Ke Poonchh Den Aansu Hamari Aankhon se
Itna bhi Hamare Haq Mein Naseeb Hamara Nahin
kiran- 02-11-2008
Sab se chuupa k dard jo wo muskura diya
Uss ki hansi ney tu aaj mujh ko rula diya
Lehjey se uth raha tha her ik dard ka dhuwann
Chehra bata raha tha k kuch ganwa diya
Awaaz main tehrao tha ankhon main nami thi
Aur keh raha tha k mainay sab kuch bhula diya
Janay kya uss ko logoun se thien shikayatain
Tanhayon kay des main khud ko basa diya
Khud wo bhi hum se biccher kar adhura sa hogaya
Mujh ko bhi itne logoun main TANHA bana diya
kiran- 02-11-2008
Tum Bin Guzar To Jayegi Zindigi
Per Main Jee Na Paaoongi Tum Bin
Hazaroon Sitaron Ki Bheer Main Bhi Dekho
Yeh Chaand Kitna Tanha Hai Tum Bin
Rahoon Kahin Bhi, Kisi Kay Sath Bhi
Per Main Hamaisha Udaas Hoon Tum Bin
Maana Chiragon Ki Roshni Main Hoon Main
Per Meri Zindagi Main Andhaira Hai Tum Bin
Baharon Ka Mousam To Hai Gulshanon Main
Per Pholoon Main Khushboo Nahi Hai Tum Bin
Iss Hansi Ke Kehkahon Main Dekhoo
Mera Dil Ro Raha Hai Tum Bin
Mera Sub Kuch To Tum Ho
Main To Kuch Bhi Nahi Hoon Tum Bin
kiran- 02-11-2008
wo hume bhulane ki baat karte hai
zara pucho wo hume kab yaad karte hai
jo karte the kabhi humse bohot mohabbat
aaj akele rehne ki baat karte hai...
kiran- 02-11-2008
mujhy us se mohabbat hai wo mera ho nahi sakta,
use pana bohat mushkil use main kho nahi sakta
ye kaisa jabar dil pe ye kaisi meri majboori,
meri aaankhien hain nam nam si magar main ro nahi sakti
use hai pyar muj se wo har roz kehta hai,
mujhy tum se muhabbat hai use main keh nahi sakti
kabi milta nahi wo tu mujy chain ata nahi,
mujhy judai ka khayal aye tu main so nahi sakti
tera israar k ik din ho jaye gye aik ham dono,
mera har bar ye keh dena aisa ho nai sakta
kiran- 02-11-2008
Tum he ko dekhte rehna
Tum he ko chahte rehna
Tum he ko sochte rehna
Tum he ko sunte rehna
buhat gehre khyalon mai
jawabon mai
sawalon mai
muhabbat k hawalon mai
Tumhara naam aa jana mujhe acha sa lagta hai
Tumhare sang sang chalna
wafa ki aag mai jalna
Tumhe naraz kar dena
kabi khud b roth jana
Tumhari be rukhi pe b tumhari arzoo karna
kabhi apne dil ki dhahkan se tumhari guftugo karna
Mujhe acha sa lagta hai…
kiran- 02-11-2008
Usne kaha Mujh se kitna Pyaar hai
Maine kaha Sitaron ka koi Shumaar hai
Usne kaha kon Tumhein hai boht Aziz
Mai NE kaha Dil pe Jise Ikhtiyar hai
Usne kaha konsa Tohfa hai pasand?
Mai NE kaha Wo Shaama Jo AB tak Udhaar hai
Usane kaha sath kahan tak Nibhao GE?
Mai NE kaha jitni ye Saanson ki Taar hai
Usne kaha Mujh ko Yaqeen aaye kis tarah?
Mai NE kaha Mera Naam hi Aitbaar hai
kiran- 02-11-2008
wo mujh se yeh nahi kehta
usey mujh se mohbt hai
magr aaj kal wo ik junoon ki zad mein rehta hai
ajb ik be hudi hai jo usey be chain rakhti hai
wo mujh se baat krta hai
bohat he aam si mosam ki logoon ki
mehaz duniya ki rasmi si
wo mujh se baat krney ke bahaney dhundta hai in hawaloon se
samjhta hai main uski aam si batoon ko bas "yunhi" samjhti hoon
wo milta hai mujhe aksar bahanoon se
ke main guzra yahan se to socha baat he kar loon
samjhta hai ke main uske in bahanoon ko na janoo gi
kabhi jo phone krta hai
to uski mohbt uske lehjay se chhalkti hai
mujhe be cahin krti hai
wo mera dhiyaan rakhta hai
meri har baat ko he bin kahey wo jaan leta hai
samjhta hai wo yeh phir bhi
ke us ne hud ko chhupa rakha hai hud he se
magr aksar
wo hud anjaney mein apna yeh parda chaak krta hai
ke jab meri bohat pehley kahi hui har baat ko wo yaad rakhta hai
aur unhi lafzoon mein mere samney dohra bhi deta hai
yun lagta hai ke us ne
meri kahi har baat ko yun yaad rakha hai
wo jaise ik saheefa hoon
wo mujh se yeh nahi kehta
ke uski khawahish usko bohat bechain rakhti hai
ya shayad in dinu wo hud se bhi chhupata hai
magr uski nigahein usko nakaam karti hain
ke sarey jaam ulfat ke wo bhar bhar ke lutaati hain
wo darta hai kahin wo kho na de mujhko
ke koi baat uski mujhe us se door na kar de
wo mujh ko sochta hai
jagta hai raat bhar wo bhi
magr shayad usko bhi mohbt mein khamoshi se he jalna hai
ke wo jab tak parh nahi leta
meri aankhen ke jis mein uska naam likha hai
ke mere lahoo ki gardishoon min raqs karti chahtein uski
wo jab tak paa nahi leta
samjh leta nahi jab tak
ke main bhi gamzan
kahmoshi ke usi rastey par
main bhi jagti hoon sochti hoon raat bbhar usko
magr us se nahi kehti
MUJHE US SE MOHABBAT HAI
kiran- 02-11-2008
Mujhey lagta hai aisa kabhi kabhi
Jaisy woh ajnabi larki
Mujh se pyar karti hai Mujhey chahti hai
Akser yunhi chup chup ker Dekhti hai,
janey kiya sooch ker Nazrein chura jati hai
Kuch ghabra si jati hai
Apney aanchal ko hawaoon k zoor per lehrati hai
Mehsoos mujhey yeh hota hai k
Shayad mujhey woh bohat chahti hai
Mujhey aisa ehsas dilati hai
jesay Woh mujh sey kuch kehna chahti hai
Meray pochnay per kuch sharma si jati hai
Kuch ghabra si jati hai
"Suniyey" keh kar bhaag jati hai
Ajnabi larki shayad pyaar karti hai mujh sey
Aesa mehsoos hota hai janey kiyon mujhey
Dil bhi kitna pagal hai Kiya kiya sochta rehta hai
Kuch masoom se jazbey hain
Kuch undekhey sapney hain
Mager woh nahin janti shayad...!!! Woh Meri Zindagi bi Hai......
*xxJd's Nottyxx*- 02-12-2008
Nice Collection Kiran
keep sharing
Forumer™ is Voted #1 Free Forum Hosting provider
Build your own community today with the largest message board hosting company.