Khabarnama - May
Aslam o Alaikum ..
Main ek dafa phir hazir hun pichle mahine ki nayi purani
khabron ke sath ... yeh Khabarnama kuch members ke
israr per jaldi main banaya gya hai ....... Next Month se
Inshallah proper Khabarnmama post kiya jaye ga .....
sab se pehle taza tareen khabron ki tafseel ..
Headlines
4 Members ke Birthdays
JD Idol ka Round 2 start
Bachay 2 hi Achay ki kamyabi
Sweetman ki 10000 posts
New member - Deewani
Purane Members ki wapsi
ab suniye in khabron ki tafseel, jayie ga mat ..
hum hazir hote hain ek choti si brk ke baad :D
News in Detail Pari ka Birthday bohot dhoom dham se manaya gya .. sab ne Pari ke hath peela hone ke lie khasoosi dua ki .. ;)) Pari is maukay par kafi khush dikhayi di :P
10 May
aaj Forum per Mother's Day poore aihteram ke sath manaya gya .. aur sab ne apni mothers ko ache tareeke se wish kiya ..
Kiran aaj kal apni personal problems ki wajha se forum par nahi aa rahi hai .. sab members us ke lie dua karein ke us ke masle jaldi hal ho jayein aur wo ek dafa phir regular ho jaye ..
11 May
JD Idol ke Round 2 ki voting ka aghaz ho gya .. 7 singers ne apne songs post kar diye .. in main se 3 Final round main pohonch jayein ge jab ke baki 4 eliminate ho jayein ge ..
Rabi aur Azii jo achanak hi ghayab ho gye hain .. un ka kuch suragh na mil saka .. agar kisi ko dikhayi dain to foran yahan itla kar de ..
12 May
Aqsa jo ke Shoaib Malik ki ki bohot bari fan hain .. wo kafi arsa ghayab rehne ke baad achanak online aa gyi aur kuch posts kar ke rawana ho gyi ..
Haya jo ke last month hi is forum par aayi hain .. wo aaj kal kafi regular posts kar rahi hain .. un ke is forum par aane se kuch members kafi khush dikhayi de rahe hain ..
18 May
Heer jo apni studies ki wajha se aaj kal ghayab hai .. wo aaj online aayi aur Cyberthunder ko Happy Birthday wish kar ke chali gyi .. baad main pata chala ke Cyberthunder ke Birthday ko abhi 8 din baki hain .. lagta hai Parhayi ne Heer ke dimagh par ulta asar karna shuroo kar diya hai ..
Huma aur Sincere_Friend ka birthday celeberate kiya gya .. donon is mauke par ghayab hi raheen .. un ke hisse ka cake Aanchal aur Umar ko de diya gya taake un tak pohonchaya ja sake ..
Kitkat jo roz subha aa ke Soni ke sath mil ke forum ko Good morning bola karti thi .. achanak ghayab ho gyi hai ... filhal koi itla nahi aayi ke kahan chali gyi hai ..
19 May
Haya aur KKG ko Perfect Blue main kar diya gya .. KKG ke blue main aa jane se Onlyurs kafi khush dikhayi de rahe hain .. tafseel janne ke lie Pari se rabta karein :P
Aanchal aur Onlyurs ne games section main kafi posts ki .. aur ek doosre ko police ke hathay charhane ki poori koshish karte rahe ..
Farii jo aaj kal apne final exams ke lie din dugni aur raat chugni parhayi kar rahi hai .. us ne sab members se dua ki appeal ki hai .. sab se guzarish hai ke us ke lie khasoosi dua karein .. :dua:
20 May
Aman aur Sathiya ne aaj ek sath kafi posting ki .. aur donon Punjabi bolne ki koshish karte rahe .. kuch posts main thappar aur kicks ka bhi zikkar hota raha .. ooper wala hi janta hai ke kia baatein kar rahe the :dua:
$oni jo aankh khulte hi forum par aa jati hai .. jo member bhi mil jaye us ke sath posting karna shuroo ho jati hai .. yehi wajha hai ke aaj kal wo sab members ke dil jeetne main kamyab ho rahi hai :P
22 May
Anny ki apne mangetar se kafi din ke baad baat hui jis ki wajha se sara din Anny ke chehre per muskurahat chayi rahi :P
Bachay 2 hi achay wale topic main sab barh charh kar hissa le rahe hain .. jab topic shuro hua to kuch members ka khayal tha ke koi sharma ke yahan post bhi nahi kare ga .. lekin us topic ki yeh halat dekh kar andaza ho raha hai ke sab ko kitna shok hai bachon ka :shock:
23 May
ek new member aaya Akash .. aate sath hi dukhi shairy posts karna shuroo .. thori hi dair ke baad rafu chakkar ..
JD Idol ke Round 2 ka Result Final ho gya .. 3 Singers ne Final Round ke lie qualify kar liya hai .. Final Round Inshallah next week shuroo ho jaye ga .. teenon Finalist se guzarish hai ke apne 2 2 songs tayyar rakhein ..
25 May
ek new member aayi Deewani .. yeh to nahi pata chal saka ke wo kis ki deewani hain lekin itna itna zaroor pata chala ke wo hain deewani kisi ki .. Miss deewani jo ke Pari ki close friend bhi hain .. un ke aane se kafi members aaj kal kafi khush dikhayi de rahe hain .. jin main Haya Pari Kashmala Onlyurs aur Sweetman shamil hain ..
Kashmala jo pichle mahine se under ground ho chuki thi .. ek dafa phir ubhar aayi aur dobara posting shuro kar di ..
Raaj jo is forum ke purane members the .. pichle saal achanak hi kaheen ghayab ho gye the .. wo phir wapis aa gye aur sab members ke sath hansi mazak shuroo kar diya .. aaj kal wo kafi regular hain aur sab se mil kar posting karte hue nazar aa rahe hain ..
26 May
Cyberthunder ka birthday aqeedat o aihteram ke sath manaya gya .. sab ne achi tarah wish kiya .. Cyberthunder ne aa ke sab ka khasoosi shukriya ada kar ke apni raah le li ..
Adil aur Nadeem jo kafi din se nazar nahi aa rahe the .. achanak online aa gye aur posts karna shuro ho gye ..
Pari jo takreeban sara month hi ghayab rahi, achanak regular ho gyi hai .. aur aaj kal Deewani Haya aur Sweetman ke sath mil ke kafi posts karti hui dikhayi de rahi hai ..
27 May
Onlyurs ke Abu ki tabiyat achanak kharab ho gyi .. sab members ne un ke lie kafi dua ki .. shayad kisi ki dua ka asar ho gya aur un ki halat pehle se behter ho gyi .. :dua:
Jd's Notty ne introduction section main ek new topic start karwaya Jd's Slam book ke naam se .. yahan har week ek member ko invite kiya jaye ga aur us se sawalat pooche jayein ge ..
28 May
Md jo takreeban 2 mahine se gumshuda they wo achanak wapis aa gye aur kafi posts karni shuro kar di..
No Shadi dot com mein KKG Sathiya aur Noman ko contract mil gye .. Contract holders ki taddad 5 ho gyi hai .. agar kisi aur member ko contract chahiye to us topic main aa ke rabta kare ..
30 May
Sweet man 10 hazar posts poori ho gyi hain .. sab members un ki wish kar rahe hain ..
Palkain jo ke sara month ghayab hi rahi .. aaj kal unhon ne ek new avatar lagaya hua hai .. jo un ke aalam channay se gift mila hai ..
Weather Report
is month JD ka weather bohot hi sard raha .. kisi kisam ki koi hungama arayi nahi hui aur akser members gumshuda hi rahe jis ki wajha se posting ki speed main bohot kami hui .. Battle ke off hone ki wajha se bhi asar para ..
is ke sath hi mujhe ijazar di jiye ..
Allah Hafiz :bye:
