Khabarnama - March
Aslam o Alaikum
Khabarnama pichle 2 mahinon mein nahi post kiya
ja saka jis ki wajha reporters ka ghayab hona aur
studies ki masroofiyat hain. lekin is dafa kuch special
members ke israr per yeh khabarnama paish kiya ja
raha hai.. sab se pehle March ki taza taza khabrarain
Headlines
Battle ka dobara aaghaz
Anny ki Engagement
JD Idol band
Posts bharao main record posts
1 to 1 posts main izafa
New member aayi ''Aanchal''
Sinny aur Kitkat ke Birthdays ab suniye in khabron ki tafseel, jayie ga mat ..
hum hazir hote hain ek choti si brk ke baad :D
News in Detail Battle main Perfect Blue ne ek aur kamyabi hasil ki, jis ki wajha se wo sab kafi khush dikhayi diye .. Perfect Green doosre number per raha jabke perfect Red ek dafa phir last pe hi raha ..
Top 10 Poster mein is dafa Palkain top pe rahi aur us ne ek month mein zayada posts kerne ka record qaim kar diya .. jis ki wajha se wo kafi khush dikhayi de rahi theen .. is khushi ke mauke per un se interview lene ke lie ek member ko bheja gya lekin barish aur kharab mausam ki wajha se wo kaheen rasta hi bhatak gya .. is lie interview wala plan cancel ker diya gya ..
03 March
Azii jo pichlay mahine bimar ho gya tha aur kafi din ghayab raha. wo theek ho ke wapis aa gya, jisey dekh ke sab ke chehron pe khushi ki leher dor pari. :D
05 March
ek new member Zaib aaya lekin kuch hi posts kerne ke baad rafu chakar ho gya, lagta hai kaheen se bhoola bhatka aa gya tha, sab ajnabion ko dekh ke wapis bhag gya =))
07 March
Battle ka dobara aaghaz ho gya aur is dafa Palkain ne khud battle ko chalane ka faisla kiya. dekhte hi dekhte kafi arse se band Battle wala section ek dum roshan ho gya aur wahan per sab chakkar marne lage.
Khuahish jo last month hi aayi thi aur apna introduction hi karwati rahi .. introduction karwate karwate hi un ka The End ho gya aur phir wo dobara nazar nahi aa saki .. ab samaj yeh nahi aa rahi ke un ko zameen kha gya ya aasman :P agar un ka kaheen atta patta miley to yahan aa ke itlaa de di jiye ga ;))
08 March
Anny jin ki engagement pichle 3 mahinon se multawi ho rahi thi, bil aakhir ho hi gyi. Anny is mauke pe bohot khush nazar aa rahi thi aur akser mashraqi larkion ki tarah sharmati hui bhi nazar aayi :P sab members ne Anny ko mubarak baad di aur Anny se kaha ke ab hamare liye bhi dua karna ke hamara bhi kuch kaam ban jaye =))
MD jo last month kafi regular rahe the .. is dafa kam kam hi dikhayi diye .. akser aate rahe lekin thori si hi posts ker ke rawana ho jate ..
1 to 1 posts main taizi ho gyii hai .. aur akser members ne apne sath ek member ko lagaya hota hai aur 1 2 1 posts kerte hue dikhayi de rahe hain, is wajha se sara month forum per ronaq lagi rahi aur sab dil khol ke posts kerte hue nazar aaye
Amber is month bhi bhuji bhuji si dikhayi di .. aur sirf kuch hi posts ker ke off ho jati .. un ki gari ki speed kafi slow ho chuki hai .. dobara speed barhane ke lie kafi koshishein ki ja rahi hain .. umeed hai jald hi un ki gari purani raftar pe aa jaye gi ;))
09 March
Aman jin ko aaj kal new new nicks se bulaya ja raha hai . unhon ne apni 10 hazar posts poori kar li, sab member ne aa ker un ko mubarak di aur aage bharne ki dua di .. ;))
Palkain jinhon ne pichley mahine posts ki dhoom machayi rakhi thi, unhon ne apni 50 hazar posts poori kar li hain, sab members ne palkain ko fifty poori kerne par mubarakbaad di aur dua di ke Allah aap ko jald z jald century poori kerne ko taufeeq de. Palkain ne Bat hila kar sab ka shukriya ada kiya aur dobara batting shuroo ker di =))
10 March
Jandians Idol jo kafi arsa rest kerne ke baad last month se phir shuroo ho chuka hai .. wahan per sab ne apne songs posts karna shuroo kar diye ..
Member of the Month mein is dafa 2 members ( Sathiya aur Sweet_Man ) award lene main kamyab hue . donon ko 4 4 votes mil sake .. jab ke Newbie of the Month mein $oni hi chayi rahi aur kafi lead se wo kamyab hui .. teenon member ko khasoosi awards diye gye jo Palkain sis ne khud khasooosi tor per un ke lie tayyar kiye ..
11 March
aaj kal sab members khoob posting karte hue nazar aa rahe hain .. Perfect Blue walon ne apna target Games section ko rakha hua hai jab ke Green aur Red wale posts bharao per nazar jamaye bethe hain =))
Worth-Less jo jab bhi aate hain Kashmala aur Pari ko talash karna shuroo ho jate hain .. is month bhi un ka yehi mamool raha, Kashmala, Pari aur Worthless ki luka chuppi chalti rahi :P
12 March
$oni jo ke is forum ki purani member hai lekin kabhi bhi regular nahi hui thi wo pichle mahine se kafi regulat ho gyi hai aur us ne dekhte hi dekhte sab members se kafi jaan pehchan banana shuroo kar di ..
Kashmala aur Pari is month games section main hi dhera jamaye bethi raheen .. aur sare topics un ki posts se hi harre bharre nazar aaye .. jab ke Nadeem aur Noman ko bhi games section se kafi mohabbat rahi :P
Sathiya aaj kal har waqt hi online payi jati hai .. aur us ki posts ki speed Shoiab Akhtar se bhi zayada dikhayi de rahi hai .. Perfect Red walon ko Sathiya ki posts dekh ke umeed ki kiran nazar aa rahi hai :P
13 March
Onlyurs jo shuroo shuroo main kafi taiz posting karne mein mash'hoor they, wo pichley kuch months se kafi slow ho gaye they lekin ab is month wo phir apni purani raftar se posting kerte hue dikhayi diye aur unhon ne apni 30 hazar posts bhi poori kar li .. sab members ne un ko naik duayein di aur mubarak di ..
Rabi ul Awal ke mahinay ka aghaz hote sath hi Jandians idol ko band kar diya gya. Round 2 ki Voting April main start karwa di jaye gi ..
Farii aaj kal roz hi yahan ka chakkar lagati rehti hai .. aur shor sharaba kar ke fatafat bhag jati hai .. Farii ke exams hone wale hain us ne sab se kaha ke us ko duaon ki sakht zaroorat hai .. is lie us ke lie zaroor dua kiya karein har namaz ke baad :P
Palkain ne Battle section achi tara sambhala hua hai aur kafi mehnat karti hui dikhayi de rahi hain .. Battle ki wajha se un ki posts mein is dafa wo raftar nazar nahi aa rahi jo pichle mahine thi ..
17 March
Perfect Blue walon ne apna group leader change kerne ka faisla kar liya .. wajha Pari ki masroofiyat batayi gyi .. new leader Nadeem ko banaya gya .. sab ne Nadeem ko dil khol ke mubarakbad di .. Nadeem ne yeh zima dari qubool kerte hue apne ek bayyan main kaha .. ke main poori koshish karoon ga ke hamara group isi tara taraqi ki rah par gamzan rahe .. unhon ne doosre groups se deal kerne ka bhi halka sa ishara diya lekin filhal koi deal final nahi ho saki ..
Maria bhi is month kuch regular rahi aur kafi posts karti hui nazar aayi .. lekin khas baat yeh rahi ke is dafa wo ladies vs gents main nahi gyi . :P
Member of the week main Palkain ki bari hi chalti rahi .. jab ke is dafa baki members ko bulaya nahi ja saka .. jis ki wajha sab ki masroofiyat hain .. umeed hai is month baki members ko bhi wahan aane ki dawat di jaye gi ..
19 March
Noman jo aaj kal posts bharao mein akser paye jate hain, unhon ne apni 70 hazar posts poori kar li .. aur un ko naye rank '' Diesel Butt '' se nawaza gya .. samaj nahi aa saki ke Nadeem ne un ke lie yeh rank kiun select kiya hai :P
Heer ke mobile ke sath kuch masla ho gya tha .. wo sara month usi ko suljhane mein lagi raheen .. lekin masla hal nahi ho saka, Nadeem ne kafi koshish ki lekin baat nahi ban saki .. ab samaj yeh nahi aa rahi ke batane wale main ghlati hai ya samajne wali main .. ;))
*xxJd's Nottyxx* ko achanak aaj josh aa gya aur us ne sab topics main posts karna shuroo ker di .. us ki posts dekh ke aisa lag raha tha ke yeh ab dobara regular ho jaye gi .. lekin ek hi din posts kerne ke baad wo phir parde ke peeche ho gyi :P
20 March
ek new member tashreef layi forum pe jis ka nick Aanchal hai . wo aate hi sab main gul mil gyi aur unhon ne sab ke sath posting karna shuro kar diya aur yeh ehsas nahi hone diya ke wo new hain yahan. pehle hi din un ka siggy kisi ne chori kar liya, jis ke doonde ke lie Aanchal ne kafi jagha pata kiya lekin nahi mil saka :?
Sabi kabhi kabhar aa ke Ladies vs Gents main halki si aag laga deti hai .. jo 6 7 din bharakti rehti hai .. jaise hi wo aag thanda hone ka naam leti hai . Sabi dobara hazir ho jati hai ;))
Kiran is month akser gumshuda hi rahi .. lekin ek itlaa ke mutabiq pata chala ke us ka koi family masla hai is lie wo kuch disturb hai aur online nahi aa sakti .. sab se guzarish hai ke us ke lie dua karein ke us ke sare masle hal ho jayein :dua:
Shoutbox mein chupan chupayi kheli ja rahi hai .. jis mein sirf 4 players ( Noman Aman Azzi aur Farii ) shamil hain .. Noman ki bari hai sab ko doondne ki .. lekin abhi tak sirf Farii ka hi pata chal saka hai .. jabke Azii ka kuch pata nahi chal raha ke kahan chuppa hua hai .. aur Aman ki sirf awaz hi aa rahi hai tasveer nazar nahi aa rahi =))
21 March
Kitkat jo kafi mahinon se gumshuda hai, us ka janam din dhoom dhaam se manaya gya .. sab ne us ko wish kiya aur dobara hazir hone ke lie dua di :P
Somii jo is forum ki purani member aur Farii ki cousin hai .. wo achanak online aa gyi .. aur kuch posts ker ke phir kaheen chhup gyi ..sab ne kafi doonda lekin kuch pata na chal saka .. lekin baad main pata chala ke Farii ne us ko kitchen main band kar diya hua tha .. :?
Rabi aur Aziii jo last month subha subha hi forum per aa jate the .. is month zayada din ghayab hi rahe .. JIT ke members ko teams se nikal dene ki wajha se tafteesh bhi nahi ho saki ke masla kia hai .. :P
Umar jin ka net aaj kal katta hua hai wo achanak kaheen se online aa gye .. aur sab ki khair khabar le ke phir rawana ho gye apni manzil ki taraf ...
Sathiya aur Aman ne ek sath kafi posts ki.. donon aaj kal ek doosre ko special naamon se bula rahe hain .. ek taraf se mast allu kaha ja raha hai jab ke doosri taraf se kukri kukri keh ker attack kiya jata raha ;))
24 March
Sinny jo ke last month hi uk wapis aa gyi hai, us ka birthday aqeedat o aihteram se manaya gya, sab ne bohot achi tara wish kiya aur naik naik duayein di .. Sinny ne har roz aa ke sab ke shukriya ada karti hi nazar aayi :P
Kitkat jo pichle 8 mahinon se under ground ho chuki thi wo wapis aa gyi aur us ne dobara posting karna shuroo ker diya .. Sathiya aur Kitkat ne mil ke kafi posts ki ..
Nadeem jinhon ne leadership ka ohda sambhalne ke baad apni posts ki speed ko chotha gear lagaya liya hai, unhon ne apni 10 hazar posts kar ke sab se mubarakbaad wasool ki ..
Mr D jo ne apna nick change kerne ka faisla kar liya .. un ka nick Adil rakh diya gya hai .. yeh nick un ko Aman ki taraf se gift mila hai :P jis per donon bohot khush dikhayi de rahe hain ..
25 March
Sathiya jo ke pichle mahine hi tashreef layi thi .. unhon ne apni 10 posts poori kar li hain. yeh is forum ki sab se jaldi 10 hazar posts karne wali member ban gyi hai . inhon ne 160 posts per day ki average se posts kar ke is forum ka naya record bana diya .. sab ne is posting machine ko bohot mubarak baad di .. jab ke kuch members gille shikwe karte hue bhi dikhayi diye :roll:
Noman aur Aman ne apne nicks apis mein change ker ke sab ko hairat mein mubtela kar diya .. kafi members dhoka kha gye ke yeh ek dum kia ho gya hai .. kuch members ne samaj liya ke donon ne apne groups change ker liye hain ;)) Battle main bhi Palkain sis ko problem hoti rahi .. is lie 2 din ke baad dobara purane nicks kar diye gye ..
29 March
Sweet_Man ne jab ladies vs gents section ki soyi hui halat dekhi to unhon ne wahan per kuch new topics bana ker us section main roshni ki kiran dalne ki koshish ki .. ab pata nahi wo apne maqsad main kamyab hote hain ya nahi
Battle is month poore arooj per rahi .. aur Competitions mein bhi sab ne barh charh kar hissa liya .. aur kafi achi achi posts parhne ko mili .. :D
General News kuch months pehle voting ke zariye sab ki raye li gyi thi ke software's ke tutorials ke lie section hona chahiye ya nahi, sab ne is raye per khushi ka izhar kiya, un tutorials per kaam ja rahi hai .. aur aadhe se zayada kaam ho chuka hai .. umeed hai ke jald hi wo complete ho jayein ge aur phir sections bana diye jayein ge .. Azzi un per dil o jaan se mehnat karta hua dikhayi de raha hai :P
JD Idol ke 2nd Round ki votings bus kuch hi dinon mein shuroo ho jaye gi.. aur sab members se guzarish hai ke apna apna vote zarooor dein .. aur agar kisi singer mein koi khami nazar aati hai to sath comments bhi de dein taake wo un ko sudhar sakein .. ;))
Azzii ne ek raye di hai ke forum per Politics ke lie bhi ek section hona chahiye .. jis ko sab ne pasand kiya hai .. aur yeh section Inshallah is month shuroo kar diya jaye ga .. :)
Weather Report is month JD ka weather kafi garma garam aur khatarnaak dikhayi diya .. aur kuch members mein halki halki jharpain bhi hoti nazar aayi .. lekin overall soortehaal per control hi raha .. aur kuch bara nuqsan nahi hua :P Battle main bhi kafi garma garmi rahi .. aur kuch members kafi nakhush dikhayi diye .. is ke ilawa posts bharao mein bohot posts hoti rahi, kuch members ne to dhera hi wahan jamaye rakha .. jis ki wajha se neele neele members kafi nakhush rahe aur spammers spammers kehte rahe .. ;)) lekin koi khas case nahi ban saka kisi per is lie muamla chalta raha :P
is ke sath hi yeh Khabarnama apne akhtetaam ko pohoncha.
mujhe ijazat dijiye .. Allah Hafiz :bye:
.
