ANGREZI KHANA ....

hheheheh angerzi khany pr bht acha likha hae :D or app or tum mae ju fark hae shi kaha es k bary mae b thnx

Mera sar badan say kata hua glacier ka aik tukra tha jo shayed yakh bastgi ki wajah sat mukammal tor per thanda ho ker mar chuka tha ___ Freezer main bohat arsa rakha rehnay wala khuraak ka thayla tha ___ Main sirf itna janta tha keh mery hath main aik mug hay jis main chnd lamhay payshter woh pani tha jisy main nay sar pay daalnay ki himaqat ki thi. Meri samjh main nahin aa raha tha keh is kay baad ab main kia kerun. Baqiya badan per kisi na kisi terah himat ker kay aik aur mug pani undayl ker naha lun ya is yakh bastagi ki halat main uth ker ager uth sakoon to, bahr ja ker waris sahib per baras paroon kion keh aaj subh mere istafsaar per unhon nay bataya tha keh janab chaudry sahib zaroor nahao isi paani kay sath, kuch nahin kehta, thanda lagta hay laykin bas pehla mug mushkil hota hay ___ main to subh shaam isi say nahata hun __ mujhy yaqeen tha keh Oolter glacier ka yeh paani mere dimagh main dakhil ho ker uskay khulion ko baraf main badal chuka hay kion keh wahan say koi jawab nahin aaraha tha. Kia mera sar mojud hay? Kia mujhy aik mug aur daal ker apnay ghusal ko ikhtytaam tak pohonchana chahiye? Aur ager main woh mug apnay uper undaylnay main kamyaab ho jaun to kia main bach jaunga? Ya munjamid ho ker Hunza main reh jaunga? ___ baharhaal main nay aik bayhis aur sakit si kayfiat main patah nahin kia kiya aur ghusal khanay main say baraamday main usi terah akra hua chalta aya jaysay koi misri mummy zindah ho ker intyqaam laynay kay liye agay barhti hay us shakhs ki teraf jis nay usy hazaron baras puranay taboot main say nikaalnay ki jurat ki thi aur main isi terah waris sahib ki teraf barha. “Kion jee aya maza?” waris sahib hasb e mamul shalwar e nisf tan kiye baraamday main baythy thy. “Main nay kaha chaudry sahib tabiyat to theek hay ___ kia baat hay bol nahin rahay” (Safarnama: Hunza Dastan Musanif: Mustansar Hussain Tarar)